日前我國嘅選手謝思埸喺東京奧運會男子單人3米跳板決賽以558.75分首次加冕該項目奧運冠軍,呢位選手曾經經歷兩次嚴重腳傷,差啲就要告別跳手呢項運動,但仍然能夠克服傷患,成為另一位繼熊倪之後一樣出色嘅跳水運動員。

有返咁上下年紀嘅史友可能都會記得熊倪呢個名,呢個傳奇人物就係同樣我國第一位單屆奧運會包攬男子單、雙人三米板冠軍嘅中國運動員。熊倪早喺1982年就已經進入到湖南省隊,1986年就入到國家集訓隊,期間喺全國嘅比賽當中拎到1公尺彈板、3公尺彈板、5米台同埋全能共四項冠軍;喺國際賽亦都拎過高臺跳水冠軍,實力真係唔講得笑。

而佢喺入到國家隊兩年之後就參加漢城奧運,當時只有14歲嘅熊倪喺呢場比賽當中挑戰佢兒時嘅偶像,「跳水皇帝」洛加尼斯,而呢次佢就以1.14分之差屈居亞軍,但都足以成為佢嘅成名戰。

喺奧運之後,熊倪繼續參加大大小小嘅國際賽事,喺世界盃比賽中獲得10枚金牌,而講到最威風,就真係莫過於喺悉尼奧運當中包攬單、雙人三米板冠軍,真係前無古人啊,而來者就真係追到上嚟喇!

原圖嚟自網絡