早兩日阿史去咗大角咀個頭搵朋友食飯,行過一條街見叫街牌係詩歌舞街。又詩又歌又舞,第一個念頭就諗係咪同唱歌跳舞有關呢?

答案就係梗係唔係啦!呢條响大角咀嘅街,係上世紀二十年代出現嘅街道。當時政府响當地做道路規劃時,就將個頭附近街道全部以植物嚟命名,好似杉樹街、櫻桃街、槐樹街、柏樹街、松樹街等。至於詩歌舞街呢個名,本身意思係無花果,「詩歌舞」係由無花果英文Sycamore音譯過嚟。不過無花果俾人感覺係「無後」,對重視「多子多孫」嘅中國人而言唔多吉利,於是條街就以音譯詩歌舞命名喇!