據報道,又有一位史學界嘅傳奇人物離開咗我哋。史學大師余英時(1930-2021)於8月1日朝早於美國寓所睡夢中逝世,享壽91歲。

余英時出生喺天津,師從國學大師錢穆同埋當代漢學泰斗楊聯陞,後來佢就去到美國哈佛拎到一個博士學位,自此之後就對中國歷史、思想、政治同埋文化史進行深入研究同探討,以現代嘅角度出發,探討中華文化對現代嘅意義。

唔講唔知,其實余英時同香港都幾有淵源,佢曾經喺1950年由北京嚟到香港讀書,當時作為插班生入讀新亞書院文史系,仲得到過「新字第1號」畢業證書。而畢業之後,佢就入過新亞研究院深造,1970年代仲返過香港擔任中大副校長及新亞書院院長,真係估佢唔到!

原圖嚟自網絡