美國歸還伊拉克 一萬七千件文物

眾所周知美國喺2003年入侵伊拉克之後，就曾經喺當地掠奪、走私17338件古代美索不達米亞文物，而有份做呢件事嘅仲有日本、荷蘭和意大利。

其實早喺1991年波斯灣戰爭、2003年伊拉克戰爭果陣，美軍就已經掠奪過大量當地文物，就好似有巴格達博物館過萬件藏品；而喺 ISIS 2014年摧毀伊拉克歷史遺址之後，更加有唔少走私活動發生，通過中東同埋其他地區，將伊拉克文物偷運出國。

多年嚟伊拉克都爭取呢批文物可以返到自己國家，而近日呢件事就終於有進展喇！繼美國喺2018年將約3800件文物歸還給伊拉克首都巴格達伊拉克國家博物館之後，美國現正歸還2003年入侵伊拉克後掠奪嘅文物17338件古代美索不達米亞文物，其中一樣文物就係具有3500年歷史泥板，上面刻有《吉爾伽美什史詩》，係伊拉克嘅國寶，亦都係人類歷史上古老文獻之一。