北京奧運男女乒乓球單打 三面紅旗同時升起！

喺今年嘅東京奧運入面，當女子團體乒乓球頒獎禮國旗同埋區旗同時升起果一刻，唔少市民都表示深受感動，而阿史就諗起喺2008年嘅北京奧運其實有更加震撼嘅一幕，就係三面紅旗一齊升起！

三面國旗喺奧運頒獎禮一齊升起其實都唔係咩新鮮事，早喺1988年漢城奧運會、2000年悉尼奧運會都試過，之不過2008年呢一次就係喺我地嘅主場北京，當年無論係乒乓球女子單打項目定係乒乓球男子單打項目，我國嘅健兒都包辦晒所有金銀銅牌。如果史友們有印象，應該都會記得當年男單係由馬琳、王皓、王勵勤包攬冠亞季軍，而乒乓球女子單打項目就係由張怡寧、王楠、郭躍拎到冠亞季軍。換言之，呢次奧運會就係有兩次頒獎禮有三面紅旗一齊升起，認真壯觀。

之不過，自此之後大家都冇辦法再見到呢個畫面喇！事關奧組委同埋國際乒聯就為咗令呢個景象唔再出現，以後參賽國家嘅成員喺每個項目都唔可以超過兩組，所以大家就最多就只可以見到兩面國旗升起。