之前就為史友們介紹過我國嘅傳奇乒乓球運動員就好似劉國梁、馬龍等等，而其實喺呢班運動員當中，就有一位號稱係以最短時間完成大滿貫嘅選手，佢就係張繼科喇！

張繼科出生喺1988年嘅青島，佢喺5歲嘅時候就已經開始由從事乒乓球教練嘅父親張傳銘帶入門，並且喺2002年由肖戰教導，隨後就喺2003年升咗做國家隊一隊，並且喺同年嘅紐西蘭公開賽拎到冠軍。本應前途一片光明嘅張繼科，去到2004年就因為違紀而被國家隊除名接近兩年，直到2006年先至可以重上國家隊。

噝復出之後，張繼科就狀態大勇，喺2008年就出戰國際賽單打，先係首戰戰勝馬龍，再喺全國乒乓球錦標賽，連挫北京奧運金、銀、銅牌得主，即係馬琳、王勵勤、王皓，實力真係唔講得笑！

由於佢嘅個性比較突出，男乒總教練劉國梁甚至形容佢係「藏獒」，呢一點亦都影響咗佢嘅乒乓球之路。之不過，講到佢最犀利嘅一件事就係，佢雖然同華德納、劉國梁、孔令輝、馬龍並列為五位大滿貫男選手，但佢就係當中以最短時間完成嘅一位，即係拎到奧運會單打金牌（2012），連續兩屆世桌賽單打冠軍（2011、2013）同埋兩個世界盃單打冠軍（2011、2014），真係前無古人啊！

原圖嚟自網絡