近排阿史就喺睇到一套名為《我的家我的國》嘅微紀錄片,當中就講述咗九個香港先輩愛國愛港嘅歷史足跡,而阿史就對李淑桓嘅故事相當感動。

早幾日就係日本投降76周年,呢套紀錄片就有一個故事係以李淑桓為單元主題。對國仇家恨,敵人入侵國土,雖然大家都知道只有上戰場抵抗中國先至會有希望,但又幾多個人可以親身送自己嘅子女上戰場呢?呢位香港女教師李淑桓就送咗自己七個子女去到戰場之上抗日!

李淑桓出生喺1894年廣東鶴山一個書香門第,佢喺1930年舉家嚟到香港辦私塾謀生,但點知冇幾耐抗日戰爭就爆發,當時佢嘅長子長子郭顯承就先喺1937年經佢同意之下去到延安抗日,而李淑桓自己亦都加入中國共產黨組織嘅「惠陽青年會」並為抗日宣傳募捐。

時間去到1938年到1939年,日軍好快就打到惠陽,當時香港就牽起愛國抗日熱潮,唔少青年都組隊返到自己鄉下廣東抗日,而李淑桓就將自己五個仔女都送到抗日部隊。佢當時就表示「國家興亡,匹『婦』有責」,亦都因為咁佢嘅無私精神傳遍東江,佢亦都得到「東江游擊隊之母」嘅稱號。

之不過呢位「東江游擊隊之母」嘅遭遇一啲都唔好過,佢嘅大仔郭顯承、五仔子郭顯樂相繼犧牲;而佢自己亦都被國民黨捉捕後遭到酷刑逼供,最後喺金桔嶺被殺害,喺佢死後第二日,佢19歲嘅四仔郭顯和都死於大王嶺戰役,佢一家人再都冇辦法團圓。

原圖嚟自網絡