被譽為「現代主義建築的最後大師」嘅貝聿銘相信唔少史友都聽過佢大名，佢所設計嘅建築可能大家都成日去，但唔講真係唔知，其實貝聿銘係出生喺蘇州一個望族，父親係中國銀行創始人之一貝祖貽、而母親就係清廷國子監祭酒之後，身世認真唔簡單。而近排喺內地，就有一座貝聿銘祖宅賣出，售價就真係估你唔到！

近排貝聿銘位於蘇州祖宅就喺阿里平台上拍賣，呢棟祖屋就位於蘇州古城區最名貴地段之一嘅白塔西路，所在之處甚至仲喺由貝聿銘得意之作「蘇州博物館」附近。咁點解好地地拍賣一間屋又會成為一宗新聞呢？除咗因為呢座建築係名人嘅祖宅之外，更加重要嘅係因為呢間屋長年失修，破敗不堪，一度由蘇州文物局重新修復作為陳列精品玉器、接待貴賓使用之地。而且房屋結構上仲係無房無廁，但拍賣嘅價錢就高達980萬人民幣，最後仲以1,090萬元成交。

貝氏家族嘅祖宅其實早喺明朝年間建成，作為蘇浙望族，貝氏家族宅邸遍布天下，由蘇州本地知名獅子林、嘉園，再去到上海有成千套房產，認真誇張！

原圖嚟自網絡