提起中國核工業嘅發展,相信唔少史友腦海中都會即時浮現于敏、鄧稼先等專家嘅名,但其實要令核彈成功誕生,當中仲需要有唔少能人異士參與其中,原公浦就係其中一位喇!

原公浦呢個名唔知史友們有冇聽過,但論身份佢其實就係中國第一顆原子彈核心部件鈾球嘅操刀人,而呢位咁傳奇嘅人物近日喺上海因病逝世,享年87歲。

原公浦喺1964年被選為車削第一顆原子彈鈾球嘅操刀人,在此之前佢係喺中國核工業總公司404核基地工作。

由佢被選為操刀人開始,佢就經過一大輪練習同埋精心操作,最後練成可以以三刀車出核心部件,並且各項數據都可以達到設計標準。就係喺各個單位都超水平發揮嘅情況下,中國第一顆原子彈「心臟」就咁誕生,而原公浦亦都得到「原三刀」嘅稱號,佢喺舊年更加被授予中國核工業功勳獎章。

原公浦為中國核工業貢獻甚多,而佢晚年不幸身患重疾,喺咁嘅情況之下,佢無法支付治療癌細胞嘅藥物,有醫生為佢自費一年嘅仿製藥,後來中國核工業集團亦都為佢成立一個幫困基金,而老人家喺近日就已經因病逝世喇!

原圖嚟自網絡