對深圳特區嚟講,今日係一個好特別嘅日子,事關喺1980年嘅今日,正正就係呢個充滿奇蹟嘅地方成立嘅日子。

咁大家心目中可能都會有個問題,就係點解冇啦啦會成立一個經濟特區呢?其實早喺上世紀七十年代末,我國就已經計劃展開改革開放。但問題嚟喇,一個國家喺缺乏對外經濟交往同埋法律體系嘅經驗之下,到底可以點解安全又穩定進行改革開放呢?時任廣東省第一書記習仲勛等地方領導人就提出咗一個好劃時代嘅諗法,就係先建立經濟特區。呢個提議得到國務院支持,並且當時鄧小平亦都積極支持建立深圳經濟特區,「特區」呢個詞更加係鄧小平親自命名。

而喺1980年8月26日,當年全國人民代表大會常務委員會第十五次會議批准《廣東省經濟特區條例》,深圳經濟特區正式成立,最初嘅範圍就係今日深圳羅湖、福田、南山、鹽田四個區域,去到2010年就連寶安、龍崗都劃入深圳經濟特區,發展得認真犀利!

原圖嚟自網絡