清政府簽訂《南京條約》

1842年嘅今日，無論係對晚清定還是當時香港呢片土地而言，都係相當重要嘅一日，事關當年清廷欽差大臣耆英、伊里布同英國全權代表璞鼎查就喺長江江面英艦康華麗號上簽訂《南京條約》。

對清政府嚟講，呢一次係因為戰敗畀歐美國家而簽落嘅不平等條約。喺1839年3月，當年由於林則徐到廣州嚴禁鴉片，期間唔少舉動都同英方產生貿易、外交同埋司法方面嘅衝突。結果，英國政府內閣喺同年10月決定派遣遠征軍到中國，從而引發第一次鴉片戰爭。咁史友們都知道，戰爭嘅結果就係以八旗兵慘敗告終，清政府亦都同英國展開談判。

經過喺靜海寺多次嘅談判之後，雙方就簽訂《南京條約》，當中就需要賠償二千一百萬銀圓、開放「五口通商」、廢除公行制度、建立進出口關稅等等，強行打開中國嘅國門，並且香港島亦都需要交由英國管理。