近排提起同疫情相關嘅新聞,世界各地嘅防疫專家都相當關注一個地方,事關佢嘅疫情確診個案一周內已經新增240宗,計比率嘅話真係世界上數一數二,甚至仲令美國被稱為「全球第一疫情擴散國」,呢個地方就係沖繩喇!

年輕嘅史友可能會問,乜沖繩疫情確診率又關美國事咩?咁史友們可能就有所不知喇,事關呢個位於日本嘅地方其實就係美軍基地嘅所在之處,當地美國近來就被爆出多次無視駐地防疫措施、疫下搞千人聚會、不受限制出行。據沖繩縣政府統計,截至2011年6月美軍喺沖繩多個基地合共有4.73萬人,接最近一周美軍基地確診比率去計,平均每10萬人就新增506.4宗病例,認真誇張!

咁問題嚟喇,點解日本又會畀美國喺當地有咁特殊嘅地位呢?原來喺1960年果陣,日本就同美國簽署過《日美地位協定》,當中就規定咗駐日美軍享有特殊地方,美軍可以喺日本任何地方設置陸海空軍事基地,而駐日美軍亦都可以使用當地鐵路、船舶、通信,並且仲享有治外法權、不受日本法律制裁等等。所以就算日本將美國列為「禁止出入境國家」,駐日美軍都仍然可以喺日本「打橫行」。

原圖嚟自網絡