話說近排世界球王、葡萄牙球星C朗拿度重返曼聯，成為唔少球迷口中嘅熱話。雖然佢已經36歲，但佢嘅狀況仍然神勇，唔單止喺世界杯歐洲區外圍賽梅開二度，幫助球隊以2:1反勝愛爾蘭，更加係以111個國際賽入球，成為歷來為國家隊入球最多嘅男子足球員，呢個數字甚至比以往位列榜首嘅伊朗名宿戴伊仲多兩球，真係前無古人啊！

呢位世界級球星喺18歲嘅時候就已經加入曼聯，因為喺2006年世界盃多次入球而成名，喺佢效力曼聯期間，甚至仲幫曼聯贏盡所有冠軍；去到2009年佢就以當時破世界紀錄嘅9600萬歐元加盟皇家馬德里，期間亦都破咗唔少世界紀錄，就算唔係佢粉絲都會覺得佢犀利！

截止目前為止，佢已經得到5座金球獎、5次世界足球先生及4座歐洲金靴獎，而阿史亦都深信佢重返曼聯之後會繼續創造歷史。

原圖嚟自網絡