繼續同史友介紹香港有故事嘅歷史建築，提起清真寺相信史友們都唔陌生，甚至仲有可能參觀過些利街清真寺、九龍清真寺等等。目前為止香港一共就有六間清真寺，之不過第四間落成、位於赤柱嘅清真寺，可能史友們就冇乜機會見過喇！

睇到呢句說話史友們可能會覺得奇怪，因為平時嘅清真寺都唔拒抗外來人士參觀，但點解會有一間清真寺係無乜機會見到呢？原因就係赤柱清真寺其實係位於赤柱監獄之內。咁點解冇啦啦會喺監獄入面興建清真寺呢？時間返到20世紀初，據講當時香港懲教署就僱用咗接近400個嚟自巴基斯坦、印度嘅穆斯林，喺早期懲教署總部辦公室仲喺亞畢諾道果陣，佢哋多數都會去些利街進行禮拜，但後來當總部搬到去赤柱監獄，為咗照顧佢哋宗教需要，署方就喺監獄附近興建一座清真寺，並且喺1937年開放。

呢座清真寺係限制出入，整體結構嚟講就有一個就係有一個大祈禱大廳同埋庭院，結構相當簡單。喺2009年12月18日，赤柱清真寺評為香港一級歷史建築。

原圖嚟自網絡