如果史友們有留意開日本嘅相撲比賽,相信大家都可能知道唔少名將嘅名就好似橫綱貴乃花、橫綱日馬富士等等,佢哋之所以出名其中一個原因就係因為佢哋取得嘅勝利比較多。之但係,史友們又有冇諗過,原來連輸都可以好出名架?

年僅23歲、因為一直輸而聞名嘅日本相僕選手勝南櫻近日就正式宣佈退役。呢位出生喺1998年嘅選手,喺2015年就決心成為一位職業相僕選手,之但係佢180cm嘅身高、70公斤嘅體重其實喺相僕界嚟講係相當不利嘅條件。亦都因為咁,喺接近6年來雖然勝南櫻積極參加各大相撲比賽,但都係落得一個屢戰屢敗嘅結果。

雖然勝南櫻嘅戰績以輸居多,但佢並唔係冇收穫架!佢喺2016年5月到2018年7月間,佢就以89連敗打破日本相撲最長連敗紀錄;並且喺今年7月賽程過後則累積104連敗,破埋佢自身最長嘅連敗紀錄。可能大家諗都冇諗過,其實佢職業生涯入面曾經取得3勝,合共就有238敗,但呢個運動生涯都係需要畫上句號喇!

原圖嚟自網絡