被稱為「外星文明」嘅四川三星堆一直以嚟都有唔少國寶重器陸續出土，據內地媒體報導，近日喺三星堆遺址3號祭祀坑就再次有新發現！

近日喺新發掘區域3號坑，考古團隊就發現到一件青銅神樹！據3號坑發掘負責人、上海大學文學院講師徐斐宏介紹，呢件青銅神樹嘅殘件其實早喺今年3月就已經喺 3號坑當中露出一角，而經過細心同有耐性嘅發掘之後，就慢慢將神樹嘅樹幹、花蕾以及太陽輪裝飾物慢慢清理出嚟。而特別嘅地方係，呢棵神樹嘅樹幹仲同兩枝象牙緊貼，下層仲有其他文物疊壓。

要發掘一件咁重要嘅文物一啲都唔簡單，單係一棵神樹就已經需要四個月時間，而據目前考古團隊嘅觀察同分析，就發現今次新出土嘅神樹無論係形制定係體量方面，而同1986年喺2號坑發現嘅神樹好相似所以極有可能同鬆同一棟神樹。目前喺三星堆一共就發現過三棵神樹，到底佢哋又係咪可以拼接埋一齊呢？相信呢個將會係一個好大嘅考古發現！

原圖嚟自網絡