提起晚清皇室嘅愛恨情仇，相信唔少史友都會諗起溥儀同埋婉容皇后，但唔知史友們又知唔知其實晚清有一位被稱為「晚清最美格格」王敏彤嘅人物，其實都同呢段愛恨情仇有關。

王敏彤，本名叫做顏童妃，出生喺1913年嘅北京，佢父親係滿清軍機大臣祟厚嘅孫，而佢母親更加係乾隆嘅五世直系孫女，家世相當顯赫。佢雖然係一位貴族女子，但佢出名之處唔單單在於佢身份，更重要係佢美麗嘅容顏同埋高貴嘅氣質，所以佢又被稱為「晚清最美格格」。

咁佢又係點樣同溥儀結緣呢？原來喺佢9歲嘅時侯，佢就喺表姐婉容嘅婚禮上第一次見到15歲嘅溥儀，佢當時就已經對呢位識得講英文嘅新郎相當祟拜，並且仲係心生愛慕。雖然係咁，但當時王敏彤並唔想破壞婉容嘅婚事，所以只好默默地保持呢份愛意。

後來去到1924年，溥儀被軍閥逐出紫禁城，唔少滿清貴族都沒落，王敏彤嘅家族亦都一樣，但因為王敏彤美貌，所以有唔少都上門提親。雖然佢家族都為佢安排過兩門親事，但最後都以失敗告終。

王敏彤一生情路悲慘，年近半百仲再見溥儀，當中都發生唔少故事，阿史留返下篇再同大家介紹啦！

原圖嚟自網絡