911事件20週年

2001年9月11日，相信呢個日子唔單止對美國人嚟講深刻，唔少史友當年可能都喺朝早睇新聞嘅時候得知呢件悲劇。喺20年前嘅今日，正正就係911事件發生嘅日子。

喺美國東部時間早上嘅8點46分，當時有一架已經被騎劫嘅客機以自殺式恐襲嘅方式撞向美國紐約世貿中心北座大樓，而再過多十幾分鐘之後，另一架被騎劫嘅客機就向世貿中心南座大樓撞去，兩座大樓喺兩小時之內都因為大樓內部產生多次爆炸而結構受損，最後喺兩小時內倒塌咗。呢次恐怖襲擊造成接近三千人罹難，超過六千人受傷。

而當年被騎劫嘅客機其實唔止得兩架，第三架客機撞落國防部嘅五角大樓；第四架被騎劫客機嘅乘客同機組人員嘗試搶返飛機嘅控制權，最終飛機响賓夕法尼亞州嘅田野墜毀。