早排因為三星堆出土「黃金面具」，內地就引起一股對考古文物嘅狂熱，內地民眾唔單止周圍到各地嘅博物館打卡、購買文創產品，甚至仲有唔少短片平台嘅UP主嘗試人手重塑呢啲文物。

之前阿史就介紹過有位年僅25歲嘅UP主係今年4月就曾經以20萬、近500克黃金以純手工嘅方式還原出三星堆遺址出土嘅殘缺黃金面具，就連博物館都主動邀請佢去返工。而近排佢又有一樣新搞作，呢次佢就用咗接近4個月時間，用上900克黃金去重製三星堆遺址出土金杖！

佢所「重製」嘅呢枝金杖其實就唔係咩新發現，而係喺1986年果陣喺三星堆一號坑發現嘅。金杖全長143cm、重約500克，係以金條捶打成金帶後再包裹喺木杖上。之不過原本嘅木杖喺出土嘅時候就因為碳化而消失，所以一直以嚟就只係得返一層金皮。經過具體研究，其實係可以發現金杖上有三組圖案，分別係頭戴五齒高冠人頭像、鳥同埋魚、以及類似箭翎嘅圖案。

經過漫長嘅工序同埋捶打，金條變成長143厘米、寬7.2厘米嘅金帶，再加上呢位UP用到嘅「鏨刻」技術，為金杖刻上紋路，最後出嚟嘅成品，就連三星堆博物館官方微博都第一時間點讚！

原圖嚟自網絡