早幾日就同史友們介紹到法國有個二戰時期嘅地堡被改建成民宿，結果就大受德國人同埋法國人歡迎，亦都印證呢類戰事遺址唔係淨係要成為博物館先得。咁同樣嘅做法仲可以點樣應用呢？近排土耳其嘅一間酒店就有新搞作喇！

位於土耳其嘅安提阿古城係地中海貿易要衝、亦都係以往羅馬帝國經濟同埋文化中心，以往安提阿係安納托利亞和近東最早聚落之一，位於通往美索不達米亞、耶路撒冷同埋安納托利亞的嘅重要路線，所以呢個地方自然就有唔少有價值嘅考古遺址等待發掘。呢個地方曾經係可蘭經文提過，亦都係基督門徒最先被稱為「基督徒」嘅地方。

而今時今日呢條咁重要嘅道路之上，就有一排整齊劃一粉、藍、綠、橘色公寓，而最值得留意嘅係當地聖皮耶教堂（St. Pierre Church）旁邊一幅1050平方公尺大幾何圖樣馬賽克。呢幅馬賽克雖然喺2010年出土，但由於公元526年和528年一系列大地震毀損，所以表面都唔算太完整。

咁到底呢樣喺本身係露天嘅環境保育到呢類古蹟呢？原來考古團隊並唔係將其中一部分挖起，而係通過考古學家、建築師同埋商人通力合作，興建一座博物館酒店，即係2019年開始營運嘅安塔基亞博物館酒店（The Museum Hotel Antakya）。既可以提供古城歇腳所在，亦可以畀民眾提供觀賞考古遺址嘅新視角，歷年嚟仲出土過三萬件嚟自13個不同時期文明嘅古物，呢個方法真係唔簡單！

原圖嚟自網絡