如果史友們有留意開街頭塗鴉,應該都會聽過喺英國有一位「神一般」嘅匿名塗鴉藝術家Banksy,提起佢最著名嘅作品當然就有《手持氣球的女孩》(Girl With Balloon)。

之不過呢幅由佢親手繪製嘅作品喺2018年果陣以106萬英鎊價格成交之後嘅幾分鐘,就被畫框底下隱藏嘅碎紙機即場粉碎,事後Banksy承認自己策劃呢次「遙控自毀」,並且聲稱呢次行動係幾年之前進行,就係為咗可以防止作品被拎去拍賣,當時佢仲配上畢加索金句「The urge to destroy is also a creative urge」(摧毀的衝動也是一種創造的衝動)形容呢件事,成為當時成為一時熱話。

Banksy呢個名當時就成為互聯網嘅關鍵詞,蘇富比仲形容係「史上首件在拍賣期間即席創作的藝術品」。雖然原本嘅作品係爛咗,但本身中標嘅收藏家仲肯以106萬英鎊收藏作品,甚至呢幅新作仲被命名為「在垃圾桶裡的愛」。咁事隔三年幾,呢幅作品下場又係點呢?

答案就係再次出現喺拍賣會之上。呢幅自碎畫作再次喺倫敦蘇富比舉槌,估價一口氣上升3倍至£400萬 - 600萬(HK$4,300萬 - 6,450萬),藝術嘅嘢阿史真係唔識。

原圖嚟自網絡