大足石刻即將走入國家博物館

提起我國嘅知名石窟，可能唔少史友都會第一時間諗起敦煌莫高窟、雲岡石窟、龍門石窟等等，但其實仲有一個世界八大石窟之一嘅大足石刻同呢三個石窟齊名。咁阿史點解冇啦啦會提起呢件事呢？答案就係大足石刻將會走進國家博物館！

呢座始建於初唐，鼎盛於兩宋、位於重慶嘅大足石刻，代表住公元9—13世紀世界石窟藝術嘅最高水平。而喺今個月17日，「殊勝大足——大足石刻特展」將會喺國家博物館北4展廳進行展出。到時喺1000平方米嘅展廳入面，就會展出82件珍貴文物，當中就有大足石刻博物館鎮館之寶釋迦牟尼佛像、觀音像、香爐等珍貴文物，同場仲會有宋代至明清石質文物66件，都一樣好值得大家留意。

值得一提，大足石刻嘅文物其實喺2001年就曾經以圖片展覽形式喺國家博物館登場，而呢次就係以實物形式嚟到國家博物館，真係意義非凡。