唔少熱愛歷史嘅史友後生果陣都會有一個夢想,就係嘗試一下考古嘅工作。之不過,其實呢份工作要做啲乜,人工待遇會點樣,一直以嚟都好神秘!

近日喺台灣,就有一份關於考古工作嘅招聘帖文引起熱議!事源就係有單位受到委托喺今個月中對桃園嘅一個園區進行考古遺址搶救性發掘,由於搵唔夠人手,所以就只好到網上招聘。見到呢個帖文嘅網友唔少都表示係第一次見到呢個類型嘅工作,而當中就列明工作內容「每日上工時數8小時、日薪1,600」,而且「無經驗者可,會有考古專業人員現場教學,第一週為見習受訓,正常給薪」,除咗人工低咗啲都冇乜大問題。

咁到底具體工作又係點呢?原來就係要使用十字鎬或平鏟挖土,有時亦都要用到推車搬運工作,總之就係要聽現場考古團隊嘅指揮。睇完呢則帖文之後,唔少網友都表示「真的太少見了」、「好奇考古挖到什麼」,甚至仲有網友表示會去見工,真係估佢唔到!

原圖嚟自網絡