沈堅強六運會賽場 複製「施皮茨奇跡」？

繼續同史友們介紹全運會當中一啲傳奇嘅中國運動員事跡，早幾日阿史就同大家講過全運會四連冠得主林丹。連住四屆都拎到冠軍當然係一件犀利嘅事，但史友們又有冇諗過同一屆全運會同一運動員到底可以拎到幾多塊金牌呢？阿史今次就要介紹下啦沈堅強喇！

沈堅強出生喺1964年，係中國男子運動員，佢喺十歲之齡就開始接受專業游泳訓練，並且喺1979年就入選上海游泳隊，喺5年之後仲入埋國家隊，真係前途無可限量。喺上世紀70、80年代，如果提起游泳世界名將，相信唔少有返咁上下年紀嘅史友都會諗起施皮茨（Mark Spitz），事關係喺慕尼克奧運會上成為有史以來唯一一位喺一屆奧運會上獲得7枚金牌嘅選手，真係唔講得笑！

咁「施皮茨奇跡」又同沈堅強有咩關係呢？原來喺第六屆全運會當中，沈堅強就先後喺50米、100米和200米自由泳以及100米蝶泳、200米個人混合泳5枚金牌，仲同隊友合作獲得4x100米自由泳、4x200米自由泳兩項接力冠軍，完美複製出「施皮茨奇跡」。