海洋公園嘅新水上樂園過多一陣就開幕喇！呢排唔少人都諗緊點樣可以第一時間搶飛訂位去呢個地方玩！阿史見唔少人都已經去咗試玩場仲影咗好多相，史友們係咪心郁郁呢？

水上樂園可以話係香港海洋公園一個生招牌，咁點解海洋公園又會有個水上樂園呢？响1977年開幕嘅海洋公園，响八十年代初正式擴建，當中响南朗山入口附近就起咗廿七公頃嘅水上樂園，夏天開放俾遊客同市民去玩。睇返當年報紙仲話，水上樂園予遊客置身海邊感受喎！不過，由於水上樂園長期蝕錢，到最後响1999年就因為入場人數不足而關閉。

到咗2011年，前特首曾蔭權就睇出响大樹灣興建新水上樂園，經過兩年多計劃同商議最後落實水上樂園回歸海洋公園，2015年動土興建。針對以前只做夏天生意呢個死穴，新水上樂園就設計到全年都開放。唔知冬天去水上樂園會係乜嘢感覺呢？

原圖嚟自網絡