以往都同史友們講唔少抗日時期發生嘅悲慘歷史，亦都介紹過唔少為保衛家園而犧牲嘅義士，而接下嚟阿史要介紹嘅呢位人物，唔知史友們又會用咩形容詞去形容呢？

阿史要介紹嘅呢位人物名為保羅·蒂貝茨（Paul Warfield Tibbets），佢曾經被譽為係美軍最好嘅飛行員，但令佢真正成名嘅並唔係因為佢有幾飛得，而係因為佢係負責轟炸廣島任務嘅指揮官。喺1945年8月6日，喺保羅·蒂貝茨指揮之下，佢就喺廣島投下一枚原子彈，成座城市一瞬間化為烏有。對於投下原子彈呢個決定，多年嚟喺各個國家都有議論，而喺日本甚至仲有唔少人要求保羅·蒂貝茨道歉。

咁到底保羅·蒂貝茨自己又係點睇呢件事呢？保羅·蒂貝茨喺晚年接受訪問果陣就咁樣表示，佢指日本應該有好多人主觀地以為佢會為轟炸廣島而內疚，生活受到良心譴責，但事實上佢並冇呢種感覺。因為佢親眼睇過南京大屠殺嘅紀錄片，見住日本以刺刀將胎兒由中國婦人肚中挑出嚟，呢啲暴行比起佢投放原子彈並唔仁慈得幾多。佢甚示仲回返一句「日本人只強調他們挨了原子彈轟炸，但就沒有想過為什麼挨原子彈」，呢句說話真係令人深思啊！

原圖嚟自網絡