家住上水或北區嘅史友，可能知道上水有條龍琛路，原來呢條路係同兩位鄉紳有關，仲同上水嘅歷史好有關係。

咁呢條路係以邊兩個人個名命名呢？就係張人龍同廖潤琛。之前介紹過張人龍係上水著名商人，廖潤琛就係上水鄉村長。話說响1955年，係為上水一帶農業買賣活動嘅重要集散地石湖墟大火，商店、房屋因大火付諸一鉅。點知石湖墟再响1956年發生大火，兩次大火令整個石湖墟淪為頹垣敗瓦。由於呢個地方對上水一帶居民嚟講極為重要，要是就著手重建，而過程中張人龍同廖潤琛出錢又出力，好似張人龍就籌組賑災會派發糧食，並爭取重建復墟。所以，上水石湖墟旁邊最旺個條路，就命名為龍琛路，以表揚佢哋嘅功勞。

講多一句，張人龍同廖潤琛佢都有做明星嘅乖仔，已故武打演員傅聲就係張人龍個仔，金牌綠葉藝人駿雄就係廖潤琛個仔。