南京大屠殺倖存者 傅兆增去世

早幾日就係南京大屠殺倖存者黃劉氏去世嘅日子，阿史都同大家提過，見證呢段悲慘歷史嘅倖存者本來已經所餘無幾，公道就更加難以討回。而據侵華日軍南京大屠殺遇難同胞紀念館官方微博消息，南京大屠殺倖存者傅兆增於9月20日凌晨去世，享年85歲。傅兆增嘅離世，亦都意味住南京侵華日軍受害者援助協會登記在世倖存者僅剩62位。

據相關資料顯示，喺1937年冬天，當時傅兆增只係一個嬰兒，成家都依靠家人進行裁縫工作維持生計。而南京城被日軍攻佔、日軍進城之後到處放火，當時傅兆增母親只係到門外查看火勢，但就被日軍開槍射擊。傅兆增腿部中槍、佢嘅二姑被當場打死，而佢媽媽就抱住佢一直逃走。最終，傅兆增一家住咗入安全區先可以幸免於難。

呢位以自身見證日軍暴行嘅老人後來入到國企工作直至退休，佢一生亦都毫不避諱提及自身傷疤，亦都不斷宣揚生命同埋和平嘅意義。