繼續同史友們介紹世界各地近來嘅考古發現，關於「荷魯斯之眼」嘅故事相信唔少史友都聽過，甚至童年可以仲睇過同「荷魯斯之眼」相關嘅卡通動漫，唔知史友們又有冇諗過動漫《遊戲王》入面嘅「荷魯斯之眼千年積木」嚟到現實又會係點樣呢？
近排埃及就有一組考古團隊喺尼羅河（Nile River）附近法老神廟發現一批有千年歷史嘅祭祀神器，當中唔單止有古埃及女神哈索爾（Hathor）錫杖、刻有「荷魯斯」鷹頭嘅神器、錫杖，更加重要就係有一尊純金打造「荷魯斯之眼」。「荷魯斯之眼」係埃及自古流傳至今嘅傳說同埋符號，荷魯斯正係鷹頭神，佢嘅象徵亦都象徵全知全能，右眼代表住完整嘅太陽、遠離痛苦、戰勝邪惡嘅力量；至於左眼就係象徵缺損嘅月亮，相傳佢將自己嘅左眼獻過畀歐西里斯，所以左眼又有辨善惡、捍衛健康嘅象徵。
唔少古埃及人都深信荷魯斯具有復活死者力量，所以純金打造「荷魯斯之眼」唔單止係繁華嘅象徵，亦都反映古埃及人生活文化以及對死後世界嘅信仰。
原圖嚟自網絡