紀念辛亥革命110周年大會 點解會喺香港舉行?

唔知史友們有冇留意到，尋日香港就有一個對近代中國好有意思嘅活動舉行，呢個就係香港各界紀念辛亥革命110周年大會。

顧名思義，呢個活動就係紀念辛亥革命110周年，革命先輩用血汗守護國家同埋民族尊嚴、佢哋嘅寶貴精神同埋理念留傳落嚟影響咗好多代嘅中華兒女，呢場歷史事件絕對值得紀念，之但係可能唔少史友都會有個問題，就係點解會喺香港舉行喇！

唔講可能真係未必知，其實香港同辛亥革命都真係幾有淵源。雖然辛亥革命並唔係喺香港發生，但呢場運動最關鍵嘅人物孫中山先生無論係讀書定係策劃革命、孕育傳播革命思想都係喺香港進行。唔單止咁，唔少關於籌措革命所需經費及物資嘅活動，都係喺當年嘅香港大街小巷入面進行，所以香港真係可以算係辛亥革命嘅孕育地之一。