繼續同史友們分享下抗美援朝戰爭期間嘅一啲不為人知嘅故事，今朝就同史友們介綺咗長津湖戰役指揮官宋時輪，而喺呢場戰爭當中其實都有唔少重要人物參與，其中一 位就係毛澤東之子毛岸英喇！
毛岸英係毛澤東同二位妻子楊開慧所生嘅長子，幼年因為各種原因而被逼流落街頭，後來因為張學良嘅關係而被送到莫斯科「國際第二兒童院」，仲曾經參加蘇聯紅軍、加入蘇聯共產黨，仲入埋伏龍芝軍事學院深造。
時間去到1946年，佢就重返中國，當時係由出任中共中央社會部部長李克農秘書兼翻譯；去到1950年6月25日，抗美援朝戰爭爆發，雖然佢身為毛澤東之子，但佢並冇以此自居，新婚無耐嘅毛岸英反而主動請求入朝參戰，佢當時係同彭德懷咁樣講「彭叔叔，抗美援朝上前線打仗可有我一份？」就係咁樣，佢成為中國人民志願軍第一個志願兵。
之不過由於「毛澤東之子」呢個身份太過張揚，佢當時就隱姓埋名被稱作劉秘書，並且擔任中國人民志願軍司令部俄語翻譯以及秘書。毛岸英工作積極，認真負責，好快就熟悉機關業務。可惜嘅係，喺1950年11月25日上午，美國空軍4架野馬式戰鬥轟炸機突然飛到位於朝鮮平安北道大榆洞嘅志願軍司令部上空，投落幾十枚凝固汽油彈，毛岸英就以28歲之齡不幸壯烈犧牲。
原圖嚟自網絡