今時今日如果用到第一人稱代詞，大家都會自稱「我」，但史友們又知唔知「我」原本唔係咁樣嘅意思，反而係一種古代兵器?今次阿史就同大家介紹下啦！

如果由字型上理解，其實「我」同「伐」、「戟」、「戣」、「戰」等字眼都有啲相似，而事實上喺古代，「我」亦都係一種兵器。喺《說文解字》入面就提到「我，古殺字」，如果按照後世嘅考古發現還原返，「我」實際就係商至戰國年間嘅一種武器，但去到秦朝後就慢慢消失。

咁到底呢種武器係咩樣呢？喺故宮博物院就收西周時間嘅「我」，從形制上睇，就係一種有三排嘅尖齒、頂部尖利扁平狀兵器，呢種武器需要配上長柄先至可以使用，威力仲可以令到敵人嘅皮甲冑都難以保全。

咁到底點解呢種武器又會成為第一人稱代詞呢？呢個用法最早就喺甲骨文當中就已經出現，最初「我」係作為「我們」嘅代詞，而後來又出現大丈夫當「能執干戈以衛社稷」，所以凡持戈之人，就即係「我」喇！

原圖嚟自網絡