如果提起古代先民留低嘅寶物、奢侈品，可能唔少史友第一時間都會諗起、金銀器、玉器又或者瓷器，但近排以色列考古學家就喺耶路撒冷發現咗一件另類嘅「奢侈品」，就等阿史帶大家一齊睇一睇！

近排以色列文物局就公布咗一項考古發現，考古人員就喺耶路撒冷發現一間長方形小屋，而屋入面竟然係一樣大家估都估唔到嘅事物，就係私人廁所喇！呢個廁所係由經過雕刻嘅石灰岩建成，成個設計係符合人體嘅結構，而且喺廁所下方仲有一個挖得好深嘅化糞池，真係相當講究。

就咁睇呢個廁所，可能大家都睇唔出有咩特別，其實私人廁所喺古代係相當罕見，至今為止都只係發現到幾個。據以色列文物局分析，呢個廁所嘅歷史其實可以追溯到第一聖殿時期，即係有可能屬於公元前七世紀嘅古代王室莊園，可能仲係猶大國王嘅居所，認真巴閉。

原圖嚟自網絡