呢幾日都同史友們介紹咗唔少關於原子彈嘅歷史，而真正承受過兩粒原子彈嘅國家就係日本。原子彈當年要投向日本似乎都係勢在必行嘅事，但唔知史友們又有冇諗過，點解最終會決定投向廣島同埋長崎呢？今次阿史就同大家講一講啦！
要知道原子彈喺當年製造果陣係被稱為「地獄之火」，美國喺研製原子彈果陣亦都係相當隱蔽同埋小心，並且壟斷所有原子情報以防其他國家短時間內可以製造。唔講唔知，其實早年英國對原子彈嘅情報係比美國更加先進，但就因為當時英國已經負擔唔起任何費用，最終就係由美國搶先喺其他國家之前製造到出嚟。
其實當時德國係相當擔心自己會承受呢種武器，但結果德國就好快無條件投降，歐戰亦都結束，最後喺一個美國設立嘅八人臨時委員會當中，就決定「應盡快對日使用原子彈」。咁點解又要選擇廣島同埋長崎呢？原來當時美方內部就開過幾次會，佢哋就認為投擲嘅理想地點係應該要符合幾點：有軍事意義地區、尚未遭到過空襲破壞地區同埋可以沉重打擊日本人戰鬥意志嘅地區。
當時符合呢幾個條件嘅最初就有小倉、廣島、新潟、京都，最終美軍係先選定咗轟炸價值最高嘅小倉同埋廣島，但點知喺投擲當日小倉上空烏雲密布，美方就決定轉向長崎，然後再到廣島。
原圖嚟自網絡