唔知史友們有冇幻想過去郊野公園玩都可以執到成萬年前嘅動物化石呢？而近排呢件事就真係發生喺美國！

近排有位6歲嘅男童就同家人一齊去到密西根州恐龍山自然保護區玩，但當佢玩玩下就發現腳下好似有啲嘢，結果當佢一拎上手嚟睇，竟然係一舊牙齒。呢位男童嘅家長隨即就上網搵資料，發現極有可能係乳齒象嘅化石。

原本男童嘅家人係想將呢件化石放返原處，但最後都係決定將佢交畀密西根大學古生物博物館進行研究。據了解，呢個化石可以可追溯至1萬2000年前，應該係屬於一隻20幾歲嘅乳齒象。對於呢段經歷，唔少博物館研究人員都表示好羨，而男童直頭表示自己大家想成為古生物學家，真係有趣！

原圖嚟自網絡