尋日就同史友們講完點解美國嘅原子彈會投放喺日本嘅廣島同埋長崎,而今次阿史都係繼續同大家介紹原子彈嘅故事。其實上世紀唔少國家嚟講,製造、研發原子彈都係一件相當機密嘅事,而當中國成功引爆到第一顆原子彈嘅時候,就做咗一件大家都諗唔到嘅事,就係通知日本!
其實隨住美國同蘇聯相繼都製造出原子彈之後,兩個國家都開始反思自己嘅核戰略,甚至仲喺1963年簽訂《部分禁止核試驗條約》,兩國當時都以為自己已經掌握住世界大國嘅地位。之不過去到1964年,一件當時成個世界都冇諗過嘅時發生咗,就係中國成功喺戈壁地帶引爆咗第一顆原子彈。
呢個消息一傳出之後,印度、法國、英國、澳洲嘅媒體都紛紛報導,而同其他國家相比,日本得到嘅待遇就相當唔同,事關當時周恩來喺成功引爆原子彈嘅第二日,就專門發函通知日本首相池田勇人,當時信件就提到七個字「迫不得已而為之」,意思即係話我國嘅核武器發展係不得已先至做,係屬於自衛性質,所以唔會率先使用核武器。
原圖嚟自網絡