喺大部分情況之下，從事考古、文物修復嘅專家所做嘅舉動都係可以保護到文物繼續傳世，之不過喺近代就有一件文物保護方面嘅慘劇，阿史就想同大家分享一下。

喺河北省滄州市東南郊開元寺門前，就有一座始建於公元953年嘅滄州鐵獅子，呢隻鐵獅子係開元寺內文殊菩薩嘅坐騎，同時亦都擁有極為龐大嘅身形，它身長6.264米，體寬2.981米，高為5.47米，體重達近32噸，真係認真誇張。睇到呢啲數據，就算換轉係現代製造都係相當困難，而據專家分析，呢隻獅子係巧妙地應用咗「分塊疊鑄」，即係以每塊約三四十厘米嘅鐵塊統一澆築而成。就算係用上呢種方法製造，獅子仍然可以保留細緻之處。對滄州人嚟講，呢隻獅子就被稱為「鎮海吼」，係幫滄州人趕走海嘯、驅邪惡靈嘅存在，就算喺戰亂之中都冇被摧毀。

咁問題嚟喇，點解一到現代專家手就會被毀呢？其實早喺1803年滄州鐵獅子因風浪過大就曾經被吹倒在地足足90年先至有人扶起，而因為呢段時間受到水分催蝕，獅身已經受損。後來建國之後，我國文物部門就開始對全國各地文物進行保護，我國目前存在年代最為久遠、體型最為巨大鐵鑄獅子當然係其中一之。

之不過，專家一系列嘅保護措施好似為獅子建造一個遮風避雨嘅亭子、將獅子挪上台座、甚至加設鐵質護架等等，都令到鐵鑄獅子身上受到水分侵蝕以及直接破損，滄州鐵獅子就係咁毀於現代專家保護。不幸中之大幸係，去到2006年中國文化遺產研究院啟動高科技三維光譜對鐵獅構成進行分析，為鐵獅子製作內膽先至可以重新保護返鐵獅子。

原圖嚟自網絡