細個個陣,成日聽人講話萬里長城係唯一响太空見到地球人造建築物,咁史友們又有無諗過係真定唔係呢?

講到呢件事,就要講呢個講法係點樣嚟。其中一個講法就係,1969年人類首次登上月球,當時美國太空人岩士唐等三人就講話响月球上肉眼能睇到嘅人類最大建築物就係長城,之後「太空見到萬里長城」呢個講法出現咗,仲以訛傳訛講到似層層咁。不過講還講,早就有科學家對呢個講法有質疑,話長城闊度頂多係十幾廿米,响天氣層以外望落地球無可能會睇到。後嚟中國第一位太空人楊利偉上咗太空,佢提及過响太空睇唔到地球上嘅長城。

至於點解太空見到萬里長城呢個講法會出現呢?有人就認為可能以往太空人見到嘅其實係中國嘅河流,而唔係長城,就咁誤會咗。