如果見到花園入面嘅石像，唔知史友們有冇曾經幻想過佢哋可能會係珍貴嘅古董呢？而呢件咁離奇嘅事近排就真係喺英國發生咗。

近排英國就有一位屋主因為要搬屋而將屋企花園嘅兩尊人面獅身石像拎出嚟拍賣，但估唔到呢兩尊石像並唔係普通貨色！據英國曼德拍賣行（Mander Auctioneers）請專家鑑定石像之後，就發現原來佢哋竟然真係貨真價實嘅埃及文物，而且價值仲要相當高！之不過由於呢兩尊石像長期都被放喺戶外風吹雨打，甚至仲有一尊石像頭部曾經斷裂，後來係靠水泥重新固定過，所以喺拍賣會上就只係以19.5萬英鎊由一家國際藝術畫廊標到。

咁可能有史友們都好奇，到底呢尊石像係點樣去到英國呢？據專家估計，呢兩尊石像估計係喺18世紀英國人到歐洲壯遊（Grand Tour）期間帶返英國，但具體係點暫時都研究唔到！

原圖嚟自網絡