早幾日阿史就同史友們介紹咗耶路撒冷另類嘅有錢人象徵「私人廁所」,而以色列文物局當時公布嘅考古發現唔止得一樣,仲有一個號稱係拜占庭時期最大嘅葡萄酒釀酒廠,阿史今次就同大家介紹下啦!
據以色列文物局公布,喺特拉維夫市(Tel Aviv)南方嘅亞夫入面,就發現到一個1,500年前嘅釀酒廠遺址。呢個遺址係喺兩年前進行市區開發嘅時候巧合發現,經過兩年幾嘅考古工作之後,先至有比較多嘅文物出土,呢啲器物就證明咗喺東羅馬帝國時代呢個地方係擁有大型嘅釀酒廠。
以往喺呢個地區出產嘅油係被稱為「加薩和亞實基倫的葡萄酒」(Gaza and Ashkelon wine),係一種相當珍貴嘅酒。當考古團隊繼續發掘落去,就發現釀酒廠遺址面積約75,000平方英尺,係屬於拜占庭時期,接呢個規模同設施,釀酒廠每年可生產約200萬公升葡萄酒。單單係將葡萄榨成汁嘅擠壓設施就有五個,而且遺址內仲有製作熟成葡萄同埋販賣用嘅倉庫、燒窯以及大批陶器。
原圖嚟自網絡