話說一本稱「八國聯軍係正義之師」嘅書籍近日就喺網絡上引起唔少批評,而其實眾所周知呢件事嘅本質就係侵略,難怪唔少官員議員市民都一面倒批評,而書店亦都隨即將呢本書下架。
對於八國聯軍之役,相信唔少史友都相當熟悉,而歷史總係咁巧合,喺1860年嘅今日,就係圓明園不幸喺英法聯軍侵略期間被洗劫破壞後放火焚毀。呢個規模宏偉、運用各式園林風格及造園技巧嘅「萬園之園」,以往係清帝盛夏避暑、聽政,處理軍政事務嘅地方,但經歷英法聯軍破壞之後現時就僅存遺址。
歷史總係需要有人銘記,而喺今日呢個咁特別嘅日子、圓明園罹難161周年紀念日,為咗令到更多人可以走進圓明園,圓明園遺址公園將對公眾免費開放,如果有機會,阿史都想去行一行。
原圖嚟自網絡