前美國國務卿鮑威爾 因新冠併發症去世

就喺尋日，美國第一位非裔國務卿鮑威爾（Colin Powell）就因為新型冠狀病毒肺炎併發症去世，終年84歲。

出生喺1937年4月5日紐約哈林區嘅鮑威爾，生長喺一個牙買加移民家庭，但佢憑自己努力先係考入紐約市立大學、加入預備役軍官訓練團，並且喺後來率領部隊精確訓練隊、加入美國陸軍，仲參加過越戰，經歷真係相當豐富。鮑威爾就係咁樣一邊進修，一邊參軍而得到擢升，去到1979年就升為准將。

呢個職位為佢人生帶嚟轉捩點，佢喺1987年被任命為國家安全顧問，喺老布殊時期更加係參謀長聯席會議主席，主導美軍參加1990年第一次波斯灣戰爭。而提到佢任內最具爭議性嘅一件事就係，佢喺九一一事件十周年、聯合國演說都公開表示，自己曾經提供過誤導性情報令美國入侵伊拉克，而後來伊拉克境內並冇發現任何生化同埋核武器，佢自己都認為呢個係佢一生人嘅一個污點。