尋日就同史友們講咗點解1970年中國發射完「東方紅一號」之後要喺太空播放《東方紅》,呢次嘅成功對中國太空科技發展有住重大嘅意義。而另一個重要嘅里程碑就係,到底太空幾時第一次有中國人嘅聲音傳返中國呢?阿史今次就同大家講一講啦!
答案就係2003年喇!喺2003年10月15日,由中國自行研製嘅神舟五號載人飛船成功喺酒泉衛星發射中心發射成功,呢次係中國第一次進行嘅首次載人航太飛行,當時38歲嘅太空人楊利偉成為中國第一位上到太空嘅太空人。而當神舟五號成功在軌進行第六圈飛行之後,楊利偉就向地面表示「感覺良心」,並且同時任國防部長曹剛川以及楊利偉家人進行「天地對話」,對話當中佢就提到太空景色好靚,又表示自己一定會圓滿完成任務。就係咁樣,太空喺呢一日第一次傳來中國人嘅聲音!
原圖嚟自網絡