上次介紹包青天民間故事中關於三幅鍘刀嘅故事時，就講過呢種虛構刑罰係從腰斬之刑同斬頭混合構想出嚟，今次阿史就想講下腰斬之刑。

腰斬呢兩個字史友們成日都會聽到，但其實腰斬係一種古代殘忍至極嘅死刑。腰斬之刑早於周代已經出現，當時係當時斬刑其中一種。唔同年代腰斬手法同刑具或有所唔同，但施刑方式都係以刑具將死囚從腰劈開兩截。呢種刑罰最殘忍之處就係腰斬過程唔會太快完成，死囚要响行刑時間裡受盡折磨後先至會死，就係見字都覺得難頂。

响中國歷史中，唔少歷史名人都係死於腰斬之刑，包括秦丞相李斯、西漢御史大夫晁錯等，都係咁樣死。