港府宣佈取消「抵壘政策」

如果有返咁上下年紀嘅史友，對於「抵壘政策」呢個名並唔感到陌生，甚至可能仲係通過「抵壘政策」嚟到香港。而喺當年今日，港府就正式宣佈取消「抵壘政策」，阿史今次就同大家介紹下啦！

喺二戰前後，由於戰爭以及國內政局動盪，為咗生計當時唔少國民都選擇離鄉別井。亦都因為戰後需要更多勞動力，所以當時港府就對於偷渡客嘅開題處理得比較寬鬆，甚至去到1974年仲實施埋「抵壘政策」（Touch Base Policy）。所謂嘅「抵壘政策」就即係只要偷渡客可以成功偷渡到九龍界限街以南市區，去到入境處登記成為香港居民，咁佢就可以成功得到呢個身份。之不過，如果佢哋喺途中被警方捉到，就會被遣返內地。由於成個過程就好似打棒球比賽咁，所以就被稱為「抵壘政策」喇！

呢個政策吸引唔少國內嘅民眾嘗試偷渡落嚟香港，最後喺1980年10月23日，港府宣布取消「抵壘政策」，改為「即捕即解」。即係所有偷渡客一旦被捉到就會被遣返，「抵壘政策」就係咁樣成為歷史喇！