相信唔少史友都有留意到新聞，近日美國影星艾力寶雲嘅道具槍走火擊斃攝影師事件就令阿史諗起好多年前嘅一件悲劇！
阿史所講嘅呢件悲劇，就係武打巨星李小龍之子李國豪喺1993年拍攝電影《烏鴉》果陣不幸被道具槍誤殺，年僅28歲就喺片場身亡。李國豪其實早喺21歲嘅時候就走上電影之路，而喺1993年3月，佢就喺美國拍攝電影果陣，畀另一位演員以道具槍遠距離射中。據當時了解，子彈係喺拍攝前一日因為意外卡咗喺槍膛而被留咗落嚟，結果中彈嘅李國豪就因為腹部出血過多，送院搶救六小時後不治，終年28歲。
呢宗意外經過警方調查後，雖然被判定為「死於意外」，但因為無法明確地歸結責任，案件至今懸而未解。諗都冇諗過同樣嘅事件竟然喺28年之後再次發生。
原圖嚟自網絡