早幾日係中國十大元帥之一葉劍英逝世嘅日子,提起呢位咁傳奇嘅人物,相信唔少史友都應該聽過佢嘅名,咁就等阿史同大家回顧一下佢嘅事跡啦!
葉劍英出生喺光緒年間嘅廣東省,成長喺當地一個商人家庭,受到辛亥革命嘅影響,佢自幼就立志要報效國家。喺1912年,葉劍英以「最優等」成績從三堡學堂畢業考入梅縣務本中學,後來又去咗東山中學就讀,期間接觸咗唔少宣傳社會變革進步書刊,後來仲入埋雲南講武堂,追隨孫中山投身民主革命。無論係1927年蔣介石、汪精衛叛變革命,定還是「八·一」南昌起義、廣州起義定係抗戰期間,葉劍英都有出色嘅表現。
對於呢位咁傳奇嘅人物,毛澤東曾用「諸葛一生唯謹慎,呂端大事不糊塗」呢句說話稱讚佢。