1971年10月25日，呢一日對唔少國人嚟講都係相當振興人心嘅一日，事關係呢一日新中國就正式恢復聯合國合法席位。

睇嚟呢件事好似好輕描淡寫，但其實要做到呢一步，一切都唔容易。中國其實係聯合國創始國以及安全理事會五個常任理事國之一，為聯合國作出唔少重要貢獻。之不過喺新中國成立之後，由於美國推行敵視新中國嘅政策，中國喺聯合國所擁有嘅合法地位就被竊踞。而為咗恢復呢一切合法嘅地方，時任總理兼外長就多次同聯合國秘書長、主席進行交涉，而當時嘅美國就多次蠻橫無理阻礙相關嘅議案。

之不過隨住更多亞非拉新國家加入聯合國，美國喺聯合國中嘅影響力就愈來愈細，想繼續阻止中國恢復合法地位唔再係容易嘅事。結果喺50年前嘅今日，聯合國大會以76票支持、35票反對、17票棄權、3國未投票，通過《聯合國大會2758號決議》：「恢復中華人民共和國政府在聯合國的一切合法權利」，並且將國民黨集團代表從聯合國及所屬一切機構中驅逐出去。