【史前相後】美軍駐台帶旺「娛樂」事業
相信史友們可能都聽過,美軍以往响亞洲活動,好多時都會有好多香艷傳聞。而以往美軍駐台時,都帶往咗島內嘅「娛樂」事業。
美國同台灣當局達成協防關係後,美國開始向台灣提供各類經濟、軍事同技術援助,包括派遣一萬人左右陸海空三軍駐紮於台島之上。而部分城市一啲日治時期已經出現嘅紅燈區,就成為咗呢啲美國大兵尋歡作樂之地。由於當時台島經濟差,啲美國大兵就成為大客。特別係响六七十年代越戰期間,台灣就成為「抒解放鬆」嘅地方之一,好似高雄市七賢路一帶嘅酒吧、俱樂部等就成為美國大兵經常出沒嘅地方。
不過,由於美軍响台灣唔受島內法律規管,所以就發生咗唔少毆打、強姦等案件,所以當時台灣民眾對美國响島內駐軍都有唔少反對聲音。