繼續同史友們介紹我國嘅珍貴文物，喺考古發掘墓葬過程中，經常都會發現到銅鏡。銅鏡可能大家都見唔少，之不過咁大塊嘅銅鏡唔知大家又見過未呢？阿史所講嘅之唔係齊王墓青銅方鏡！
齊王墓青銅方鏡喺1980年出土自山東淄博西漢諸侯王墓中，現時就已經被列為中國禁止出境展覽文物之一。呢件咁大型嘅文物呈長方形，重達56.5公斤，長115.1厘米，寬57.5厘米，係迄今為止世界上最大銅鏡。
之不過，單單得個「大」字，係唔足以令佢聞名於世。齊王墓青銅方鏡精彩嘅地方係在於佢背面有五個環形弦紋鈕，飾有夔龍糾結圖案，龍身捲曲，張嘴吐舌，整體捲曲交錯自如，要做到咁樣，當中係用到極高嘅工藝。唔單止咁，呢塊鏡更加被視為係異形鏡，厚度就只係得1厘米多少少，可見鑄造難度有幾大，難怪會係國家一級文物。
原圖嚟自網絡